Apirila 2025
TECNALIArekin batera, KlimERA® aplikazioa abiarazi dugu, udalerri mailan klima arriskuak identifikatzeko eta kudeatzeko erabakiak hartzeko Laguntza eskaintzen duen erraminta
ADOS eta TECNALIAren arteko aliantza egonkor baten baitan, bi taldeek KlimERA izeneko web aplikazio bat garatu dute, udal mailan klima arriskuak identifikatzea helburu duena.
7 urratsen bidez, KlimERAk analisi esparru partekatu bat eskaintzen du, klima arriskuei buruzko identifikazioan eta erabakiak hartzerakoan udal departamentu guztiak inplikatuz.
Arriskuak identifikatzeko prozesua IPCCren metodologian oinarrituta dago, eta 7 klima mehatxu aztertzeko aukera ematen du, jarraian grafikoki aurkezten den sekuentzia batean, arrisku klimatikoetara iritsi arte:
KLIMERAN AZTERTUTAKO KLIMA MEHATXUAK:
- BERO BOLADAK
- LEHORTEAK
- SUTEAK
- LUIZIAK
- EURI-UHOLDEAK
- IBAI UHOLDEAK
- KOSTALDEKO UHOLDEAK
Zeni bideratuta dago diseinatuta KlimERA tresna?
- klima-aldaketara egokitzeari oraindik heldu ez dioten udalerriei. Zaurgarritasuna eta arriskuari buruzko lehen diagnostiko bat izateko urratsen sekuentzia erraza eskaintzen du, eta, gainera, udal informazioa zentralizatzeko eta barne hausnarketarako partekaturako gida izateko aukera ematen du.
- aldez aurreko informazioa duten udalerriei. Mehatxu nagusiak identifikatu eta zein sektoreri eragingo dioten modu partekatuan aztertzeko metodo bat eskaintzen du baita eskura dagoen informazioa osatzeko.
Hauek dira KlimERAren funtzionalitate nagusiak:
- Udalerriak klima-aldaketaren aurrean duen kalteberatasunaren eta arriskuaren diagnostiko kualitatiboa.
- Klima-mehatxuak lehenestea: prozesuaren fase honetan, aplikazioak aukera ematen du mehatxuak kuantifikatzeko eta lehenesteko, udal-arloen ezagutzatik eta pertzepziotik abiatuta.
- Mehatxuek kaltetutako sektoreak identifikatzea.
- Udalerriko klima-arriskuak lehenestea.
KlimERA dagoeneko EAEko udalerri batzuetan Klimari eta Energiari buruzko Tokiko Planak egiteko prozesuan erabilia izaten ari da. Dagoeneko erabiltzen ari diren udalerriek nabarmendu dute erabilgarria dela eskura dagoen informazio klimatikoa lurreratzeko eta klima arriskuak udal sail guztietara hurbiltzeko.
KlimERA gaztelaniaz eta euskaraz dago eskuragarri.
